Хоспитализирани 14 лица во воена база во САД

Во воздухопловната база „Ферчајлд“ во американската сојузна држава Вашингтон, 24 лица почувствувале мачнини чиј причинител се уште не е познат, а 14 од нив се задржани во локалната болница.

Како што јавува Танјуг, повикувајќи се на официјални извештаи, објектот каде биле смесетни заболените е итно евакуиран. Станува збор за зградата на единицата за логистичка поддршка.

Воената база „Ферчајлд“ се наоѓа на 20 километри југозападно од градот Спокејн, и е отворена во 1942.