Хорор во Црна Гора: Не можела да прифати дека сопругот и се преженил - по 5 дена живи ги запали на спиење
Сулејман Муриќ (61) и неговата сопруга Седина Моцевиќ (45) настрадаа во пожар во рожаската населба Бесник, а огнот, како што соопшти полицијата, го подметнала неговата поранешна сопруга Сафија Муриќ која е уапсена.
Командирот на локалната служба за заштита Нурадин Аговиќ рече дека пријавата за пожарот ја добиле околу 6 часот.
-Со брза оперативна работа дојдовме до сомнение дека пожарот го подметнала поранешната жена на Муриќ С.М., која живее во Бар. Таа утрото, на враќање од Рожај кон Бар е уапсена во Колашин, соопшти тој.
Пожарот најпрво го зафатил дневниот престој на куќата, а пожарникарите по доаѓањето затекнале јагленисани тела.
-Чекаме надлежните понатаму да ја продолжат работата, за да се откри точната причина за пожарот, рече Аговиќ.
Полициската управа на Црна Гора соопшти дека во краток рок го расветлила случајот.
-Поради кривично дело тешко убиство, извршено на штета на две лица, од слобода е лишена С.М. (55), а телата на настраданите се испратени на обдукција, соопшти полициајта.
Полицијата соопшти дека С.М која е осомничена за подметнување на пожар, е уапсена откако во Колашин е запрен автобусот со кој патувала кон Подгорица.
-Таа во текот на ноќта низ прозорец од бањата влегла во куќата и просториите и мебелот ги полеала со бензин. Го запалила огнот и побегнала, наведе полицијата.
Службениците на ОБ Рожај осомничената С.М. (55) во законскиот рок ќе ја изведе пред јавен обвинител во Бијело Поље.
Ново на Сител
-
Маж и жена од Македонија се заглавиле во заливот Филикури, ги спасиле полицајци
-
Дубровник под вода по силното невреме | ВИДЕО
-
Дошла кај него за да му раскине, а тој ја нападнал и се обидел да ја силува
-
Маж со пушка си го бранел насадот со пченка од диви свињи
-
Кумановка нападната од синот
-
Кривична пријава за девет лица затекнати во незаконска сеча на дрва
-
Невремето „Атена“ ќе ја зафати Грција – предупредување за опасни временски појави
-
ЦУК: Под контрола пожарот во Мариово, активни вкупно пет пожари