Хоџај: Балканот се уште се соочува со закани
Балканот денес се уште се соочува со неколку вида закани и покрај замената на непријателските со мирољубиви односи меѓу државите и општествата, оцени шефот на косовската дипломатија Енвер Хоџај.
Како што јави дописникот на МИА, во обраќање на конференијата на албанските амбасадори, што се одржа во Тирана, Хоџај се осврна на регионалните безбедносни предизвици и на односите на Балканот во последнава деценија, кои, според него, се последица на многу нејаснотии и закани.
- Тие може да се групираат, почнувајќи од непризнавањето на Косово од страна на Србија, спортот со името на Македонија, влошените меѓуетнички односи во Босна, руското влијание на Балканот и радикализацијата на верскиот екстремизам, изјваи Хоџај, набројувајќи ги ризиците со кои се соочува Балканот.
На собирот присусвуваа 49 амбасадори на Албанија низ светот, кои по Конференцијата придружувани од шефот на албанската дипломатија Дитмир Бушати, се сретнаа со премиерот Еди Рама и спикерот на Парламентот, Илир Мета, но не и со шефот на државата Бујар Нишани.
Според тиранската телевизија Топ-чанел, иако амбасадорите синоќа стигнале во претседателската резиденција во договорениот термин, Нишани не ги удостоил да ги прими.
По повеќе минутно чекање, шефот на претседателовиот Кабинет, Олси Лафе, им рекол дека „средбата се одлага поради ангажман на претседателот, кој искрснал во последен миг“.
На барањето на телевизијата за објаснување на причините за одлагањето на средбата, претставник на службата за односи со јавноста во Кабинетот на Нишани изјавил дека „нема коментар“.
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација