Хоџа: Теламон треба да инвестира четири милиони евра и да вработи 300 лица

 Четири милиони евра треба да инвестира  Друштвото за производство и трговија ТЕЛАМОН ЕВРОПА МАКЕДОНИЈА ДООЕЛ Скопје и да овозможи вработување на 300 лица. Инвестицијата на компанијата треба да се реализира во Инџиково, општина Гази Баба. 

- За оваа компанија Владата вчера на седница прифати информација за предлог - договор за доделување државна помош, и ја овласти Зорица Апостолска, министер без ресор задолжена за привлекување странски инвестиции, на 13-ти овој месец,  да го потпише предложениот договор за доделување на помошта, информира на денешната прес-конференција владиниот портпарол Мухамед Хоџа.

По ова, додаде Хоџа, ќе следува и реализација на оваа инвестиција, која се планира да биде во Инџиково-Општина Гази Баба.