Хеликоптер се урна во Минесота, нема преживеани

Хеликоптер се урна во близина на аеродромот Ерлејк, кај градот Лејквил во американската сојузна држава Минесота, при што нема преживеани, соопшти локалната полиција.

Несреќата се случила вчера околу 14:45 часот по локално време, но не е познато колку луѓе се наоѓале во леталото, јави „Си-Би-Ес њуз“.

Во несреќата не биле повредени лица на земја.

Истражители од Националниот одбор за безбедност во сообраќајот (NTSB) и Федералната управа за воздухопловство ќе ја водат истрагата.

МИА