Хејли: Конечната одлука за Ерусалим ќе ја донесат Израел и Палестинците, а не САД

Претседателот на САД Доналд Трамп постапи правилно и машки, со признавањето на Ерусалим за главен град на Израел, но конечната одлука за статусот на градот треба да ја донесат  Израелците и Палестинците, изјави амбасадорката на САД во ОН Ники Хејли. 

- Тоа е точно, бидејќи е факт - Ерусалим е главен град на Израел, изјави  Хејли во интервју за телевизијата Си-Би-Ес и изрази мислење дека мир ќе настапи кога и двете страни ќе ја  признаат реалната состојба на работите.

Хејли истакна дека во својата изјава Трамп не зборувал за бариери и граници, бидејќи конечниот статус на Ерусалим ќе го  одредат Палестинците и Израелците, а не Американците.