ХДЗ започнува преговори за нова Влада, прво ја повика Мост
Хрватската демократска заедница (ХДЗ), која е реален победник на предвремените парламентарни избори, денеска започнува преговори за формирање на нова влада, а според најавите од претседателот на партијата Андреј Пленковиќ, првиот повик ќе биде упатен кон Мост независна листа на Божо Петров.
Пленковиќ истакна дека веднаш започнува со преговори, што се совпаѓа со барањето на претседателката Колинда Грабар Китаровиќ, која од партијата со најмногу мандати побара да нема одложување при формирањето на новата влада, како што беше случај по изборите во ноември.
Исто така таа напомена дека нема да дозволи да има какви било ултиматуми или уцени.
- Убедливо сме победници на изборите, и со оглед на околностите и со оглед на бројот на поединечни мандати. Во преговорите со другите партии настапуваме од таа позиција, со нашата преговарачка платформа. Слушнавме за седумте точки на Мост, знаеме за што станува збор. Некои од тие прашања можат да бидат прифатени, а за некои има потреба од детални разговори, истакна Пленковиќ.
- Попуштање нема да има ниту за премиерската позиција, нагласи Пленковиќ и порача дека ХДЗ како реален победник има право да смета на тоа дека местото за претседател на владата е резервирано за претседателот на партијата.
- Па, еве, вие погодете кој е тоа, потенцира шефот на ХДЗ.
- Се договоривме пристапот на преговорите за формирање на нова Влада на Хрватска да биде врз основа на нашата изборна програма. Тоа е програма која е ориентирана кон иднината, економијата, конкурентноста, работните места, демографската политика, социјалната правда, и секако, вклученост на сите оние социјални работни групи на најдобар и најквалитетен начин, заклучи Пленковиќ.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово