Хасан Рохани победи на претседателските избори во Иран

Актуелниот ирански претседател Хасан Рохани победи на вчерашните претседателски избори во Иран, соопшти препладнево Министерството за внатрешни работи во Техеран.
Како што јави ДПА, според неофицијалните конечни резулатити од изборите, 68-годишниот Рохани од умерената исламиска Партија на умереноста и развојот (ХЕТ) освоил 56,88 проценти од гласовите, со што извојува победа уште во првиот круг.
На второто место се пласира Ебрахим Раиси од конзервативната исламистичка Асоцијација на борбените проповедници (ЈРМ) со 38,55 отсто од гласовите, пред Мустафа Мир-Салим од екстремната исламиситчката Партија на исламската коалиција (ХМЕ) со 1,13 проценти и Мостафа Хашемитаба од реформистичката Партија на експертите за изградба на Иран (ХКСИ) со 0,52 отсто од гласовите.
Според податоците на Централната изборна комисија, на вчерашните избори имало и 2,90 отсто неважечки ливчиња.
Изборите беа оценети како референдум за политиката на Рохани за отворање на Иран кон Западот и за договорот што тој го постигна со светските сили за иранската нуклеарна програма.
Уште пред објавувањето на првичните резултати од изборите, претставник на конзервативните исламисти ја призна победата на Рохани, нагласувајќи дека резиборот на актуелниот претседател е „практично сигурен“.
Ново на Сител
-

Трамп ја опиша атмосферата од средбата со Шји и Путин како одлична
-

Пуштени во продажба влезниците за натпреварот на македонските кошаркари против Кипар во Скопје
-

Сараевски медиуми: Поднесено е обвинение против премиерот, министерот за полиција на ФБиХ и други поради примање мито
-

Мицотакис: Грција ги доби сите средства што ѝ следуваа од европскиот Фонд за закрепнување, вкупно 35,95 милијарди евра
-

Генералниот секретар на НАТО утре ќе ја посети Полска, на местото каде што денеска паднаа две руски ракети и дрон
-

Влада: Заштитата на жртвите е приоритет, насилството не смее да биде предмет на партиски препукувања
-

Од понеделник продолжуваат дијагностичките испитувања за бруцелоза кај говедата
-

УЕФА ја казни англиската репрезентација поради расизам
