Харадинај: На Србија не може да ѝ се верува и ако каже дека од денеска го признава Косово
Косовскиот премиер Рамуш Харадинај денеска повторно се спротивстави на идејата на претседателот Хашим Тачи за „корекција на границата со Србија“, оценувајќи дека зад таквите идеи, кои ги поддржува и официјален Белград, пред се српскиот претседател Александар Вучиќ, се крие намерата за поделба на Косово, јави дописникот на МИА од Приштина.
На денешната средба со подмладокот на неговата партија во Бога, во Пеќкиот регион, Харадинај рече дека не верува „во договор за корекција на границата со демаркација и со размена на територии“.
– Сето тоа се маски за поделба на Косово. Сето тоа се маски со цел таму, на другата страна, нивниот шеф на државата (Вучиќ) да каже „јас извлеков се што можев, го признаваме Косово“. Не им верувам и доколку речат „еве, денеска го признаваме“, затоа што тие не ги почитуваат договорите. Кога ќе се изнесе тоа утре во Советот за Безбедност на ОН, пак, ќе ѝ рече на Русија или на некој друг да го блокира Косово, рече косовскиот премиер.
Во таа смисла, тој нагласи дека Белград, спротивно на постигнатите договори, го попречува зачленувањето на Косово во меѓународни организации.
Поради тоа, порача Харадинај, „Косово не смее да оди по тој пат“, односно не смее да прифати разговори за наводни „корекции на границата“.
– Не. Ние се консолидираме, стануваме држава, стануваме повеќе свесни за себе, стануваме по способни, изјави Харадинај.
Ново на Сител
-
Од денеска поскапува регистрацијата на возилата
-
Мета: Победата на професорката Давкова ќе биде уште поубедлива
-
Протести во Венеција против туристичката такса - Судир на полицијата со демонстрантите
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри