Харадинај ја разреши заменик министерката која интервенцијата на НАТО ја нарече „геноцид врз Србите“
Косовскиот премиер Рамуш Харадинај ја разреши денеска заменик министерката за правда Весна Микиќ, која вчера, на 20-годишнината од почетокот на нападите на НАТО против тогашна СР Југославија, ја нарече таа интервенција „геноцид врз српската држава и народ“, јави дописникот на МИА од Приштина.
– Во Владата и институциите на Косово нема место за лица, независно од нивната етничка припадност, кои ги оцрнуваат заедничките евроатлантски вредности. Дотолку повеќе што државата Косово е создадена токму врз таквите вредности. Изјавата на заменик министерката за правда, Весна Микиќ, дека бомбардирањето на НАТО било геноцид врз српската држава и народ, е неприфатлива и може да се смета за говор на омраза, кој се санкционира со Уставот и законите. Затоа денеска ја ослободив од нејзината должност, напиша Харадинај.
На изјавата на претставничката на Српската листа во Владата на Харадинај реагираше пратеничката на опозициското Движење Самоопределување (ВВ), Албулена Хаџиу, а разрешување на Микиќ побара и министерот за правда Абелард Тахири.
Ново на Сител
-
Владата донесе одлука со која цената на осигурувањето од автоодговорност се враќа на ниво од пред 25 април
-
Фитнесот почна како мода но полека стана здрава навика | Стефанија Бубало | Јанг стори | Sitel Podcast 032
-
ДИК донесе заклучок за конечност на резултатите од првиот круг на претседателските избори
-
Бискупот Стојанов упати Велигденска честитка до Архиепископот г.г. Стефан и верниците
-
Пронајдено тело на починат маж во Вардар во Велес
-
Благодатниот оган и оваа година од Ерусалим ќе пристигне во Грција
-
Зеленски: Русија во април употреби 300 ракети, 300 дронови и 3.200 касетни бомби во нападите врз Украина
-
ДСЗИ најави забрана на Клиниката за токсикологија за здравствени работници без договори за вработување