Хаос на Халкидики - Ситонија под вода, евакуирани туристи
Поројните дождови и невремето од изминатите 24 часа создадоа сериозни проблеми и материјална штета во повеќе делови на Грција.
На Халкидики, се поплавија повеќе места, улиците се претворија во реки, а нанесена е материјална штета на инфраструктурата, на домови и возила, за среќа без повредени или жртви.
Најпогодена беше вториот крак на Халкидики и областа Никити Ситониа. Поради невремето и поплавата, автомобили и канти за отпадоци завршија во морето.
Карактеристичен е случајот со автомобилот кој поради невремето се најде во море. Возачот и совозачот на возраст од 68 и 60 години, успеале да излезат од возилото, да се качат на кровот, а со помош на кајак и нуркачи биле спасени.
Во друг случај, повикана била противпожарната служба да интервенира за спасување и на 4 лица заглавени во автомобил.
Локалната управа на Никити, веројатно е дека ќе побара да се прогласи вонредна состојба.
Штети имаше и на првиот крак, во областа Касандра, во Касандрија, Сивири и Неа Фокеа, а силни врнежи од дожд беа забележани и во североисточниот дел на Халкидики.
Според информациите на дописничката на МИА од Атина, ниту еден македонски граѓанин не побарал помош од нашиот конзулат во Солун, поради невремето на Халкидики.
Голем дел од патиштата покрај морето на Халкидики се затворени за сообраќај.
Бурата „Нефели“ (името го доби од метеоролошката служба на Грција) создаде проблеми и во други градови низ целата земја.
Во Лариса и Волос, поплавени беа крајбрежните делови, додека пак во атинското предградие Мандра, се разбудија лошите спомени од ноември миантата година, кога во поплавите животот го загубија над 20 лица.
Во Мандра, што се наоѓа во западниот дел на областа Атика во поширокиот регион на Атина, противпожарната служба интервенираше за да спаси граѓани заглавени во нивните автомобили,но и на нивните балкони.
Стариот автопат Атина-Коринт од вчера е затворен за сообраќај.
Ново на Сител
-
Обилните дождови предизвикаа свлечиште во Непал, загинаа најмалку 14 лица, девет се водат за исчезнати
-
Владина делегација на Самитот на НАТО во Вашингтон - јакнење на билатералните односи со САД и афирмирање на земјава како стабилен партнер
-
Симовски: Имаше јаки притисоци на Бугарија пред пописот во Албанија
-
МВР: Претреси на три локации во село Гајре, едно лице задржано на информативен разговор за убистото во Тетово
-
Борел: Орбан ја претставува само Унгарија, а не и ЕУ, на самитот на туркофонските земји во Азербејџан
-
Вулканот Етна исфрли лава и облак од пепел и чад висок околу пет километри
-
Демонстрации во Барселона против прекумерниот туризам
-
Жестоки борби во источна Украина, Русите напаѓаат се повеќе локации во Доњецк