Хан: Спроведување на договорот и фер избори во април

Јулскиот договор и договорот од Пржино треба да се спроведе и да се одржат фер и транспарентни избори во април следната година, порача Јоханес Хан, еврокомесар  за соседска политика и преговори за проширување по денешната Трета Спик Ап во Брисел.

 

Брисел, истакна Хан, со засилен надзор ќе гарантира фер избори во Македонија.

 

-   Имаме постигнато договор во Македонија со сите главни политички партии. Тоа е јулскиот договор и тие треба да го спроведат. Целта се фер и транспарентни избори наредната година во април. Доколку се исполни овој договор ве уверувам дека сите европски институции кои набљудуваат како ОБСЕ и ОДИХР и Советот на Европа ќе се погрижат да дојдат за да се осигураат дека тоа навистина ќе биде така. Ќе распоредиме многу луѓе за да се увериме дека овој договор ќе биде испочтуван, изјави Хан.