Гвардиола и Меси во Сити?!

Шпанското радио Cadena COPE и неколку англиски медиуми, во петокот објавија дека Пеп Гвардиола од наредната сезона ќе го предводи Манчестер Сити. Според истите извори шпанскиот стратег веќе потпишал преддоговор со ’граѓаните’.

 

Гвардиола е еден од најбараните тренери во Европа, тој во моментов е актуелен тренер на минхенски Баерн, а договорот со Баварците му истекува наредното лето. Истите извори се сигурни дека доколку Гаврдиола замине, негов наследник на клупата на Баварците ќе биде Карло Анчелоти.

 

Информацијата за трансферот на Гвардиола во Сити доаѓа по неполни 24 часа, откако германските медиуми објавија дека тој се согласил да потпише нов двегодишен договор со Баерн, според кој ќе заработува 24 милиони евра по сезона.

 

Сеназационалните вести поврзани со Манчестер Сити не завршуваат со Гвардиола, Cadena COPE и англиските медиуми се сигурни дека од наредната сезона Лионел Меси ќе игра во Манчестер Сити.

 

Челниците на ’граѓаните’, му понудиле на Аргентинецот неделна плата од 800.000 фунти, односно 3,2 милиони фунти месечна плата (4,5 милиони евра). Наводно, Меси бил заинтересиран за оваа понуда, бидејќи сакал да замине од Шпанија, каде подолго време има проблеми со шпанските даночни власти.