Груевски: Следниот месец ново зголемување на постојаната и социјална помош за 5 %

-Уште кога се правеше буџетот во 2015 година за оваа 2016 година се предвидоа средства за зголемување од 5 отсто на социјалната помош. На почетокот на јули, исплатата што ќе се добие ќе биде зголемена за 5 отсто. Станува збор за околу 30 илјади семејства кои земаат различни видови социјална помош. До сега околу 62 проценти е зголемена социјалната парична помош во период на владеењето на ВМРО-ДПМНЕ. Ова ќе биде едно ново зголемување, тоа беше ветено и сега се реализира, додаде Груевски.

Инаку наша главна и основна стратегија, рече претседателот на ВМРО-ДПМНЕ, е колку што е можно повеќе привлекување инвестиции и охрабрување на домашните инвеститори за отворање на нови работни места.

-Најдобра социјална политика е политиката за отворање на нови работни места, и токму затоа невработеноста се намали, од 38 стигна на 24,5 отсто, потенцираше Груевски.