Груевски: Предвидуваме отворање нови 150 илјади работни места
Локалната самоуправа во Вевчани во изминатите четири години направила колку што никогаш во оваа општина не било направено, истакна лидерот на ВМРО-ДПМНЕ, Никола Груевски на вечерашниот митинг во Вевчани.
Посочи дека во Вевчани изградиле нова училишна зграда, со површина од 2.450 метри квадратни, во вредност од 65 милиони денари, спортска сала, тениско игралиште, комплетно бил уреден просторот околу училиштето „Страшо Пинџур“, реконструирани и изградени се неколку локални улици, целосно е реконструирана детската градинка во Вевчани...
- Сработивме нова визија која што се вика „Нова ера“, која ќе биде за нови победи, успеси, ново утро, нови работни места. Овој документ, предвидува отворање на нови 150 илјади работни места во Македонија. Ако во минатото отворивме нови 173 илјади работни места, бидете сигурни дека во наредните години ќе вработиме нови 150 илјади лица. Според новата визија планот е невработеноста да падне под 10 проценти. Предвидуваме просечен раст на економијата од четири или повеќе проценти и со тоа ќе се обезбедат нови работни места, рече Груевски.
На 15 октомври, посочи тој, народот ќе покаже дека секој што работи спротивно на законот ќе биде казнет и подоцна елиминиран од политичката сцена.
Цветомир Угриновски aктуелен градоначалник и кандидат за иден градоначалник на општината, рече дека дека имал четири години напорна работа, посветеност и реализација на многу проекти.
- Проектите и делата се нашата најдобра програма и отчет, енергијата и минатиот труд се нашиот најдобар патоказ за иднината. Немам ниту најмала дилема дека и сега ќе победи вербата во Вевчани, убеден сум дека нашите политички разлики на изборниот ден ќе станат неважни кога ќе се соочат со големото дело на овој народ и оваа земја, додаде Угриновски.
Ново на Сител
-
ЕУ: Очекуваме соработка со претседателката на Македонија
-
Србија испраќа хуманитарна помош за Газа
-
Бојан Миовски номиниран за фудбалер на годината во Шкотска
-
Излета автомобил од патот Куманово – Скопје, едно лице тешко повредено
-
Драма во Скопје: Претепал жена, а потоа бил агресивен кон полицијата
-
Исчезна Турчинка која престојувала во хотел во Скопје
-
Избувна пожар во куќа во Пласница, зафатена и соседната куќа
-
37 годишник го запалил мостот „Беласица“, лежи во затвор за тешка кражба