Груби објави дека ДУИ му го зема Арачиново на СДСМ

Организацискиот секретар на ДУИ, Артан Груби ја објави победата на партијата од каде што доаѓа во уште четири општини.

Тој на Фејсбук напиша дека и Арачиново, Боговиње, Теарка и Желино се ДУИ.

Во Арачиново градоначалничка е Миликие Халими, а таму претходно СДСМ победуваше и на парламентарните избори. Кандидат на ДУИ за оваа општина крај Скопје е Ридван Ибраими, додека од коалицијата Алијанса за Албанците и Алтернатива е Наим Синани.

Претходно, победата во уште три општини ја објави портпаролот на ДУИ, Бујар Османи. Станува збор за општините Сарај, Липково и Пласница.