Груби: Денес се исполнува сонот за евроатлантска Македонија
Денес се раѓа ново сонце на слободата, правичното сонце на еднаквоста и исполнување на сонот за евроатлантска Македонија, рече пратеникот на ДУИ Артан Груби на собраниската седница на која треба да се гласа за ратификација на договорот со Грција.
- Животот не учи дека одлуките треба да ги донесеме навреме во вистинско време, а не доцна. Денеска е најдоброто време да ја донесеме најдобрата одлука која ќе ја бетонира државноста на Република Македонија и ќе ни овозможи иднина нам и на генерациите по нас. Ни носи датум за преговори за членство во ЕУ и покана за полнотравно членство во НАТО, рече Груби.
- Некои ги нарекувале Скендер бег и Гоце Делчев предавници, но по педесеттина години историјата покажа дека тие биле херои. Херојство е да обезбедиш сигурна иднина за своите деца и за нивните деца, рече Груби.
Тој им порача на пратениците дека пред нив денеска има три копчиња и оти секој треба да донесе одлука за иднината на нашите поколенија.
- Зеленото копче е за храбрите луѓе и за сите што ја сакаат Македонија како своја татковина, рече Груби и додаде дека Македонија денес ја доживувам како своја држава и татковина.
Ново на Сител
-
Си пред посетата на Србија го критикуваше НАТО за бомбардирањето на Белград во 1999 година
-
ЕУ одобри шест милијарди евра за Балканот, Рама: Историски момент, кој внесува нов импулс во процесот на проширување
-
Девизните резерви во април зголемени за 41,9 милиони евра
-
Анонимна пријава за случаи со поткуп од политичка партија во Кичево
-
Во Делчево денеска гласаат 222 болни и изнемоштени лица за претседателските и парламентарните избори
-
Советот на ЕУ го усвои првиот закон за борба против насилство врз жените
-
И во Шпанија студентите подготвуваат протести против Израел
-
Претреси во Охрид поради фотографирање избирачки список и гласачки ливчиња