Свет
7. February 2017 - 13:26

Грибаускаите: НАТО во Литванија - порака за сила и единство

Распоредување на сили на НАТО во Литванија испраќа силна порака дека Алијансата е силна и обединета, изјави денеска литванската претседателка Далија Грибаускаите, на церемонијата на пречек на германскиот баталјон во градот Рукла, во централниот дел на земјата. 

- Никогаш порано Литванија не ги угостила воените сили со ваква големина и интегритет, истакна Грибаускаите.

На церемонијата присуствуваше и министерката за одбрана на Германија, Урсула фон дер Лејен, која изјави дека распоредувањето на тенковите и другите воени опреми јасно ставило на знаење дека Литванија не е сама.

Германската војска минатиот месец почна да  испраќа со воз во Литванија 200 воени возила, вклучувајќи 30 тенкови, како и 450 војници.