Грците прославуваат Успение на Пресвета Богородица

Грците денеска го слават празникот Успение на Пресвета Богородица, кој секогаш ја штити борбата и надежите на грчкиот народ за просперитет и слобода на нацијата, изјави денеска грчкиот претседател Прокопис Павлопулос во градот Теба, каде што присуствуваше на прославата на големиот верски празник.

Тој им посака се најдобро на сите Грци, а особено на оние кои се борат за заштита на животната средина и на луѓето.

- Ние сме ви благодарни, рече Павлопулос обраќајќи им се на пожарникарите и волонтерите.

И премиерот Алексис Ципрас денеска им го честита празникот во порака на Твитер.

Тој посебно им се обрати на мажите и жените кои во моментов се борат со пожарите низ целата земја и изрази благодарност во името на сите Грци.