Грција со нов план за прием на туристи

Грчките власти со нов предлог до Европската комисија како да се рестартира туристичкиот сектор во ЕУ.

Властите на Грција сметаат дека туристите треба да се тестираат за коронавирусот или за антитела во земјата од кадешто доаѓаат најмногу 72 часа пред да влезат во земјата.

Но во исто време, како што објави весникот, тестовите може да бидат поделени на региони и земји-членки кои „доставила јасни докази“ дека пандемијата од Ковид-19 е под контрола.

-Додека справувањето со пандемијата останува приоритет, здравствените мерки треба да бидат имплементирани на начин со кој ќе се минимизира непотребниот импакт на пограничното патување, се вели во владиниот грчки предлог  до Европската комисија.

Грција вели дека туризмот треба да се рестартира на начин кој обезбедува фер третман на сите земји-членки за да се избегне „национална пристрастност“ во протоколите.

Понатаму, целиот транспорт по воздух, вода, и земја треба да се отвори во исто време и со пропорционални протоколи.

Според планот треба и флексибилно закажување на престојот. Но, треба да има и дискусија околу компензацијата и рефундирањето за тие кои нема да успеат да патуваат поради промени во земјите-членки кои би се случиле во „последна минута“.