Грција и Италија ќе го контролираат воздушниот простор над Црна Гора
Контролата врз воздушниот простор над Црна Гора во иднина ќе го вршат Грција и Италија, како членки на НАТО, и за таа цел во тек е постапка за склучување договор за техничка соработка, најави црногорскиот министер за одбрана Предраг Бошковиќ.
- Со овој договор црногорското небо ќе биде апсолутно заштитено. Грција и Италија ќе ја вршат контролата на воздушниот простор над Црна Гора, како што тоа го прават за Албанија од 2009 година, кога земјата стана членка на Алијансата, изјави Бошковиќ за државната телевизија РТЦГ.
Тој нагласи дека црногорската служба за безбедност ќе биде задолжена за контрола на воздушниот простор на помали височини, односно на ниво на кое летаат хеликоптери, а над тоа, заштитата ќе биде во надлежност на „сојузниците од НАТО“.
Сега контролата врз црногорскиот воздушен простор ја врши Србија.
Ново на Сител
-
Евростат: Невработени во март биле 13,2 милиони лица во Унијата, на Германија до 2035 ќе и фалат 7 милиони работници
-
Преглед на вестите од светот
-
Последен ден од кампањата - Партиите и коалициите со завршни митинзи
-
Над 200 болни и 203 затвореници утре ќе гласаат во Штип
-
Со изборен навигатор можете да проверите која партија и програма се најблиску до вашите убедувања
-
Со добра понуда и бројни настани Охрид може да привлекува туристи преку цела година
-
Преглед на вестите од светот
-
Тема на денот со отец Горан Стојчевски