Грчкиот Парламент ги усвои новите економски мерки
Грчкиот Парламент ги усвои синоќа новите економски мерки.
Законот го поддржаа 153 пратеници од владиниот блок на Коалицијата на радикалните леви сили (СИРИЗА) и партијата „Независни Грци“ во 300-члениот Парламент.
Новите построги економски мерки беа усвоени во пресрет на утрешниот состанок на Еврогрупата.
Освен создавањето нов фонд за управување на средствата, добиени од приватизацијата на државната сопственост, новиот закон предвидува зголемување на голем број индиректни давачки, со што Владата се надева дека ќе собере дополнителни 1,8 милијарди евра.
Се предвидува зголемување на даноците на недвижен имот и коцкарниците, а исто така и врз взамните фондови и компаниите за управување со хартии од вредност, доколку нивните годишни приходи се над 33 милиони евра.
Од 1 јуни се зголемува ДДВ од 23 на 24 отсто, отпаѓаат преференцијалните ставки за истиот данок за островите, се зголемуваат даноците за автомобилите. Поскапување ќе има и во телекомуникациските услуги, како и кај акцизите на цигарите и алкохолот.
Атина се надева дека усвоените мерки пред состанокот на Еврогрупата ќе и помогнат да ги добие средствата, кои и се потребни за плаќање на долговите.
- Грците веќе платија многи, но можеби првпат има толку голема можност овие жртви да бидат последните, рече пред пратениците пред гласањето премиерот Алексис Ципрас.
Ново на Сител
-
Галант го информира Блинкен за операцијата во Рафа
-
УКИМ повторно рангиран на 1.990 место од 2.000 најдобри универзитети во светот
-
Претседателката ќе се придржува до официјалната примена на уставното име, во јавни настапи има лично право на самоопределување, велат од кабинетот на Силјановска Давкова
-
Стано: ЕУ очекува новите власти на Северна Македонија да продолжат со успешниот пристапен пат
-
Еруптираше вулканот Ибу во Индонезија
-
Тројца уапсени во Велика Британија поради соработка со разузнавачката служба на Хонг Конг
-
Во Косово досега попишани над 1,42 милиони лица, дел од Србите „се двоумат“
-
Албанија „ќе увезе“ 40.000 работници од Филипините