Грчката Влада нема намера да распише предвремени избори
Владата на Грција нема намера да распише предвремени избори, се додека не ги заврши преговорите со своите партнери од еврозоната за новиот пакет помош, изјави портпаролката на Ципрас, Олга Геровасили.
- Избори во моментов не би биле корисни и Владата нема намера сега да ги организира, рече таа и додаде дека „целта е да се финализира договорот со Европа, земјата да се врати во нормала и да се постигне стабилност“.
Ципрас минатата недела претрпе голем удар во Парламентот при гласањето за новите мерки за штедење, кои ги бараат кредиторите во замена за новата помош од 86 милијарди евра, кога против договорот со доверителите гласаа околу петтина од пратениците на владејачката Сириза, меѓу кои и тројца министри.
Грчкиот премиер тогаш мораше да се потпре на гласовите на опозицијата за да ги протурка непопуларните реформи, додека во среда е на уште еден тест кога во Парламентот ќе се гласа за вториот пакет мерки за штедење, поврзани со банкарството и судскиот систем.
Ново на Сител
-
Ненад Димитријевиќ прогласен за МВП во ВТБ лигата
-
Од денеска поскапува регистрацијата на возилата
-
Мета: Победата на професорката Давкова ќе биде уште поубедлива
-
Протести во Венеција против туристичката такса - Судир на полицијата со демонстрантите
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар