Грантови од 1500 евра за отварање работни места

Грантови од по 1500 евра и отварање на нови 200 работни места. Државата и годинава обезбеди средства за микро и малите фирми. Надлежните информираа дека огласот е во тек, и ќе трае се додека не се исполни предвидената бројка.Компаниите ќе ги добијат средствата во опрема и репроматеријали. Ќе можат да аплицираат за отварање на најмногу 5 работни места

Директорот на Агенцијата за вработување потецираше дека фирмите што ќе аплицираат мора да имаат најмалку 1 вработен.

- При апликацијата компанијата треба да достави бизнис план за идните вработување и проширувањето на бизнисот. Ќе се проверува и дали претпријатијата имаат долгови по основ на даноци или придонеси, изјави Влатко Поповски, Директор на АВРМ

За мерката годинава се издвоени речиси 300 000 евра. Во тек е и огласот за грантовите за отварање на сопствен бизнис како и огласот за вработување на социјално загрозените лица.