Градоначалникот Трајковски со хуманитарни активности во Делчево

- Оваа активност се реализира во соработка со компанијата „Зегин“ која како општествено – одговорна компанија, традиционално по повод празниците, доделува хуманитарни пакети, истакна градоначалникот Трајковски.

 

Со оваа активност, како што додава градоначалникот, таргетирани се семејства согласно евиденцијата од Центарот за социјални работи од Делчево.

 

- Со ова сакаме да покажеме дека се грижиме за секој поединец во нашата Општина и имајќи ги предвид актуелните мерки од Владата на полето на социјалата, како локална одговорна власт сакаме да помогнеме овие семејства да излезат од социјалниот ризик во кој живеат и да овозможиме достоинствен живот за сите, додаде Трајковски.

 

Овие пакети се едно внимание и порака дека овие луѓе не се заборавени, додадоа од Општината и најавија дека ваквите хуманитарни активности ќе продолжат и во иднина.