Гори „Европа центарот“ во Берлин
Гори најгорниот кат од еден од најпознатите трговски центри „Европа центарот“, во главниот град на Германија, јавува дописникот на МИА од Берлин.
Пожарот започнал десетина минути пред 14 часот, а засега противпожарната служба на Берлин нема информации кои се можните причини за инцидентот.
„Европа центарот“, кој има 20 ката, се наоѓа во центарот на Берлин во близина на познатата катедрала „Кајзер Вилхелм“, која е позната како црквата со уништениот покрив, а во негова близина има голем број на продавници каде гравитираат огромен број туристи.
„Европа центарот“ е изграден на почетокот на шеесетите години на 20 век по подигнувањето на Берлинскиот ѕид. Препознатлив е по ротирачката ѕвезда на „Мерцедес бенц“ поставена на врвот на зградата.
Засега, според берлинските институции, нема жртви. Пожарот во „Европа центарот“ се случува во услови на зголемени безбедносни закани и апсењето на сирискиот бегалец кој планирал да подметне силен експлозив на некој од берлинските аеродроми.
Ново на Сител
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри
-
Норвешка донираше 76 неборбени моторни возила на Македонија
-
Моментно нема индикатори за нов ценовен бран, оценува бизнисот
-
Би-Би-Си на српски: Оствари ли опозицијата недостижна предност пред вториот круг гласање
-
Во Брисел почна трилатерален состанок на делагациите од Белград, ЕУ и од Приштина
-
Радовишанец во повеќе наврати извршил обљува врз малолетничка