Македонија
8. December 2016 - 17:42

Големи промени - Еве какво време не очекува утре

Времето утре во Македонија ќе биде претежно сончево, кон крајот на денот со мала до умерена облачност. Претпладне по одделни котлини ќе има слаба магла.

Утринската температура ќе се движи од минус девет до нула, а дневната од девет до 15 степени.

Во Скопје слично време, претежно сончево, кон крајот на денот со мала до умерена облачност. Утринската температура ќе се спушти до минус седум, а дневната ќе достигне до девет степени.

Во наредните денови ќе преовладува сончево време со ниски утрински температури. Во утринските часови по одделни котлини ќе има услови за појава на слаба магла. До недела дневната температура ќе биде во постапен пораст.

Во понеделник попладне, а особено во вторник ќе дува засилен северен ветер, кој ќе предизвика значително опаѓање на дневната температура.