Голема трагедија за српскиот ракометар: Неговата вереница е ќерка на музичарот Миќа Николиќ кој почина минатиот месец

Ивана Николиќ, вереницата на ракометарот Недељко Неѓа Јовановиќ која поради предвременото породување во 22 недела од бременоста го загуби бебето, е ќерка на покојниот музичар Милорад Миќа Николиќ.

Тие двајцата првпат се видени заедно на погребот на таткото на Ивана на 7. април годинава, кога ракоментарот постојано беше покрај неа во тие тешки моменти.

Николиќ тогаш беше во четвртиот месец од бременоста, па се претпоставува дека стресот поради загубата на таткото можеби влијаел да дојде до предвремено породување.

Во текот на движењето на поворката, Ивана неколку пати се држеше за стомакот, што го забележаа и фоторепортерите.

Да потсетиме, бебето на ракометарот Недељко Јовановиќ, кое во неделата е предвремено родено со само 600 грама, почина во средата на ГАК во Вишеградската улица во Белград.

Јовановиќ истиот ден е сослушан во полиција зошто медицинскиот персонал од болнциата во Вишеградска пријави дека тој во неделата ги навредувал и пцуел лекарите и медицинските сестри, тропал и уништувал инвентар. Иако бил многу непријатен и незгоден, тој во полиција се покајал и се извинил поради своето однесување.

-Причината била што бил под голем стрес што на вереницата и се влошила состојбата и се породила во петиот месец. Признал дека викал и дека бил непријатен, но навел дека никого не нападнал ниту кршел инвентар во болнциата. Вели дека му е жал, дека бил револтиран поради непримерното однесувасње на медицинските сестри, вели извор.

Ивана се дружи со Марија Шерифовиќ

Ивана Николиќ и Марија Шерифовиќ со години се многу блиски пријателки, па поради тоа многумина мислеа дека тие се роднини зошто познатата пејачка во неделата вечер дојде во болницата во Вишеградска кога се случил инцидентот. Мајката на Марија, Верица Шерифовиќ неколку години беше во брак со Миќа Николиќ, таткото на Ивана, па тие двете тогаш се зближиле. Шерифовиќ е пријателка и со братот на Ивана, Саша Николиќ кој за неа исто така напиша неколку хитови последниве години.