Голем шумски пожар избувна на планината Еленица
Голем шумски пожар попладнето избувна на планината Еленица помеѓу селата Баница и Водоча. Од огнот зафатена е поголема површина од нискостелеста шума, но нема конкретни информации за колкава површина се работи.
Поради близината на огнот во опасност се и првите куќи од селото Баница, но засега состојбата се држи под контрола иако локализирањето на огнот оди отежнато поради слабиот ветер кој дува и постојано го менува правецот на движење. Од општинскиот кризен штаб во Струмица информираа дека се преземаат сите мерки за заштита на имотот на месното аселение, направен е обрач кон селата Баница и Водоча со цел да се спречи ширењето на пламените јазици кон овие две села и се прави се огнот кој се шири и кон браната Водоча што побрзо да биде локализиран и изгаснат.
На терен интервенираат екипи на противожарната единица од Струмица со четири возила и едно на противпожарната од Ново Село, плус две возила на Комуналец кои вршат дотур на вода. Во гаснењето се вклучени и екипи на шумското претпријатие Беласица.
За моменталната состојба покрај регионалнит штаб за зашта и спасување информиран е и републичкиот штаб со цел доколку биде потребно да се интервенира и авионски.
-
Зоран Ѓоргиев
Сите содржини од овој новинар