Голем пожар во Куманово
Пожар попладнево избувнал во поранешната управна зграда во кумановски „Житомел“.
Според Територијалната противпожарна единица во Куманово, пожарот бил пријавен во 16:45 часот по што тројца пожарникари со едно противпожарно возило се упатиле кон местото, а во 17:10 часот била испратена уште една екипа.
Пожарот, како што информира Територијалната противпожарна единица, е ставен под контрола околу 18 часот.
Ова е само еден од низата пожари кои изминатите години се случуваат во различни објекти на поранешната компанија за производство на леб, но сите се со помала материјална штета. Сепак, во јули 2012 година во голем пожар изгоре поранешната мелница на компанијата лоцирана на булеварот „Октомвриска револуција“, а во ноември истата година изгоре дел од поранешната управна зграда и мелница на мелничко-пекарскиот комбинат. ам/бак/18:55
Ново на Сител
-
Утре литургија во соборниот храм ,,Св. Климент Охридски” по повод 25 годишнината од востоличувањето на г.г. Стефан
-
Најмногу дожд наврнат во Пожаране и Лазарополе
-
ЦУК: 2 028 повици изминатото деноноќие, три пожари на отворено
-
Приоритет на Владата е поддршка на македонското земјоделство: Историски највисока цена за грозјето, исплатени заостанати плати и субвенции
-
Поради сообраќајка во прекин сообраќајот на патот Струмица - Валандово
-
Во БиХ продолжува потрагата по исчезнатите во поплавите и свлечиштата во Јабланица, досега најмалку 20 загинати
-
ЈСП: Бесплатен јавен превоз за „Бела ноќ“, изменет сообраќаен режим за Скопски маратон
-
ИДФ се обидува да влезе во јужниот либански град Одаисеј, експлозии и во Бејрут