Голем пожар во Дубаи: Гореше небодер со 67 ката, евакуирани речиси 4.000 луѓе
Огромен пожар зафати небодер со 67 ката во Дубаи, принудувајќи ги властите да евакуираат речиси 4.000 луѓе, објави весникот „Халеџ Тајмс“.
Стотици станари изјавија дека противпожарните аларми не функционирале и дека за пожарот дознале дури кога почувствувале чад или биле известени од пријатели.
Густ чад ги исполнил скалите, принудувајќи многумина да користат лифтови за да излезат од зградата. Некои станари ја поминале ноќта на отворено пред да најдат сместување. Еден станар од 24-ти кат изјави за медиумите: „Бев со сопругата кога околу 21:45 почувствувавме мирис на нешто што гори. Проверивме во станот, но не најдовме ништо. Од балконот видовме пожарникари и луѓе надвор. Пријател ни се јави и рече дека не може да влезе поради пожарот. Обезбедувањето ни рече да ја напуштиме зградата дури откако ги контактиравме“.
„Скалите беа полни со чад, па користевме лифт, кој функционираше. На сопругата ѝ се слоши од чадот. Чекавме надвор 45 минути пред да заминеме во хотел. Подоцна видовме пламен на повисоките катови. Беше застрашувачки“, дополни тој.
Друг станар од 28-ми кат изјави дека пожарниот аларм воопшто не се вклучил. – Дознавме еден час подоцна преку порака од пријател. Скалите и лобието беа полни со чад. Без помош од луѓето, можеби немаше да излеземе, изјави тој за локалните меидуми.
Станарите изразија револт поради нефункционалните безбедносни системи во зградата.
Ново на Сител
-
Во Албанија активни 30 пожари, пет се најкритични
-
Лото - игра на среќа со семејна традиција, ритуал во кој среќните броеви ни поттикнуваат надеж
-
Уапсен 19-годишник во Куманово, со него затекнато 14-годишно девојче пријавено за исчезнато
-
Приведени двајца росоманци, пријавени за закани кон кавадаречкиот градоначалник и неговото семејство
-
44-годишник си ја истепал сопругата и нејзиниот малолетен син
-
Во сообраќајка на патот Куманово-Свети Николе, повредени неколку лица меѓу нив и тримесечно бебе
-
ЈП Водовод и канализација: Апел до скопјани за рационално користење на водата за пиење
-
Двајца малолетници и две женски лица на 19 и 41 година приведени за престрелката во Тетово