Голем подвиг на малиот планинар: Ване (9) од Неготино го освои Олимп
Деветгодишниот планинар Ване Бошев од Неготино, изминативе два дена успеа да се качи на највисоката планина Олимп во Република Грција и да ги освои врвовите Митикас и Скала.
Неговиот татко Орданчо Бошев, долгогодишен планинар, денеска информираше дека искачувањето помина при мошне убави временски услови. Тој нагласи дека Митикас со 2.918 метри е највисок врв на Олимп и втор по височина на Балканот.
- Акцијата се реализираше два дена. Искачувањето и спуштањето траеше вкупно околу дваесет часа. Експедицијата броеше околу педесет планинари, од планинарските друштва „Балкан“ од Белград, „Макпетрол“ од Скопје и „Неготино МКД“. Имаше четири професионални водичи, појасни таткото.
Младиот Бошев планинари од неполни три години и досега има освоено бројни планински врвови во земјава и странство. Како млад и надежен планинар, има освоено и бројни признанија. Во ноември ќе полни десет години.
Ново на Сител
-
Агенцијата на ОН за помош на Палестинците УНРВА одби да се евакуира од Рафа
-
Тешко повреден 74 годишен велосипедист во сообраќајна несреќа во Охрид
-
Значаен пад на цените на нафтата минатата недела
-
Триесет и три години од загинувањето на Сашко Гешовски од Кавадарци, прва жртва при распадот на Југославија
-
Утре посебен режим на сообраќај во Скопје поради Денот на полицијата
-
Еден потешко повреден во експлозија во зграда во Турција
-
Галески: Сигурно е само дека Македонија ќе биде повторно твоја
-
Скопјанец и двајца штипјани нападнати во угостителски објект во Кавадарци