-->
-->
Голем напад на Израел во Сирија
-->

Израелските власти денес соопштија дека рано наутро извршиле „напади од широки размери“ врз „ирански и сириски терористички цели“, откако одекнаа експлозии околу сирискиот главен град Дамаск, а Русија предупреди дека израелските напади ќе доведат до ескалација на тензиите.
Мети на нападите биле цели на иранските сили Кудс, силите на иранската Исламска револуционерна гарда и сириската војска, напиша на Твитер израелската војска.
Израел возврати за ракетите за кои тврди дека иранските сили во Сирија ги испукале во нивна насока синоќа.
„Сирискиот режим го сметаме за одговорен за акциите кои се случија на сириска територија и ги предупредуваме да не дозволуваат понатамошни акции против Израел“, истакна израелската војска.
„Ќе продолжиме цврсто да дејствуваме против иранските сили во Сирија онолку колку што ќе биде потребно“, се додава.
Сириските противвоздушни системи ги пресретнале „интензивните израелски напади“ и уништиле поголем дел од ракетите користени во нападот, соопштија сириските државни медиуми.
Од шрапнели на израелските ракети што погодиле куќа во градот Саса југозападно од Дамаск загинаа два цивили, соопшти сириската новинска агенција САНА.
Русија ги осуди израелските ракетни напади врз сириска територија соопштувајќи дека тие претставуваат кршење на меѓународното право.
„Нападите врз територијата на суверена држава целосно го кршат меѓународното право“, изјави заменик шефот на руската дипломатија Михаил Богданов.
„Израелските напади ќе доведат до ескалација на тензиите“, заклучи тој.
-->
-->
-->
Ново на Сител
-
Тема на денот со доктор Катерина Мирчовска, директор на кочанската болница
-
Со владиниот авион ќе бидат евакуирани македонците кои се наоѓаат во Израел
-
Трет ден конфликт меѓу Израел и Иран, Трамп и Путин ја оценија состојбата како „многу алармантна“
-
Кочани на приоритетната листа за министерот за здравство - Алиу вели дека нема да оперира, туку ќе менаџира со системот
-
Процесот на рехабилитација на повредените во пожарот во Кочани е долг, скап и макотрпен
-
Обвинителството им стои на располагање на семејствата на жртвите
-
Зајкова бара собраниска седница зад затворени врати за престојниот НАТО Самит
-
Откриени 5 гробници издлабени во камен на локалитетот Крклари дел од заштитеното подрачје Маркови Кули