Голем број странци меѓу жртвите во Париз
Голем број странски државјани се убиени во нападите во петокот вечерта во Париз, во кои според досегашниот биланс загинаа 129 лица , 352 се повредени од кои 99 се наоѓаат во критична состојба.
Меѓу загинатите се:
- Најмалку двајца белгиски државјани, според Министерството за надворешни работи на Белгија.
- Дваесет и девет годишниот Шпанец, Алберто Гонзалес Гаридо, според шпанските власти. Младиот Шпанец беше меѓу присутните, заедно со неговата сестра, на концертот во Батаклан.
- Еден 63-годишен Португалец кој живеел во Париз, а работел во транспорт на патници, според португалските власти. Тој загинал додека бил во близина на стадионот Стад де Франс во северниот дел на Париз.
- Двајца романски државјани, според Министерството за надворешни работи во Букурешт.
- Еден британски државјанин, соопшти Министерството за надворешни работи, а исто така, имало и повредени Британци, чиј број не е наведен.
- Две млади Тунишанки, сестри, кои живееле во Париз и едно лице од Сенегал чии родители се населиле во Крозот, а во Париз славел роденден, според неколку извори.
- Една Чилеанка е меѓу жртвите. „Тоа е внуката на нашиот амбасадор Рикардо Нунез“, изјави чилеанскиот сенаторот Изабел Аленде од Социјалистичката партија.
- Двајца Алжирци, жена на 40-годишна возраст и 29-годишно момче, се убиени во нападите според агенцијата АПС која се повикува на алжирски дипломатски извори.
- Една американска 20-годишна студентка од Државниот универзитет во Лонг Бич, Калифорнија. Ноеми Гонзалес допатувала во Париз како дел од универзитетската размена, тврди универзитетот.
Неколку Американци се меѓу повредените, точниот број не е одреден. - Ние им понудивме секаква можна конзуларна помош, изјави портпарол на американската дипломатија.
- Понатаму двајца Бразилци се повредени, според бразилската претседателка Дилма Русеф, од кои еден останува на болничко лекување.
- Еден Швеѓанец можеби е убиен, а друг повреден, според портпарол на шведската дипломатија.
Ново на Сител
-
Пристигнаа првите резултати од изборите во Хрватска: ХДЗ освои 58 мандати, СДП и партнерите 44
-
Уапсен 33-годишен скопјанец, истепал полицајци во полициска станица
-
Истепан вработен на ЕВН во Глумово
-
Џафери славеше роденден, семејството го изненади со торта во Владата | ВИДЕО
-
Скопјанец ја истепал поранешната девојка и ѝ го украл накитот
-
24 годишник со „ренџ ровер“ се обидел да прегази полицајци
-
Полицајци одзеле канти со поликолор на момчиња кои пишувале графит
-
Избоден затвореник во прилепскиот затвор