Голем број посетители во бањата Стрновац во Старо Нагоричане
Голем број посетители од Куманово и соседните општини летово одат на базените со топла вода во Стрновац во општина Старо Нагоричане.
Според податоците на Јавното комунално претпријатие „Козјак“ од Старо Нагоричане, под чија надлежност е бањата, дневно базенот со топла вода го посетуваат од 100 до 300 граѓани. Бањата покрај жителите на Куманово и Македонија ја посетуваат и жители од градовите и населените места од југот на Србија.
- Просторот околу бањата го уредивме, поставивме ограда од жици, клупи, уредени се соблекувалните. И годинава се наплаќа симболична цена од 50 денари, изјави в.д. директорот на „Козјак“, Ненад Јакимовски.
Претпријатието се грижи и за хигиената околу базенот. Термоминералниот извор се наоѓа на три километри од општина Старо Нагоричане, на 20-тина минути од Куманово. Протокот на вода, велат од претпријатието, е подобрен, а температурата е константна во текот на целата година и изнесува 39,5 степени целзусови.
Водата од Стрновац извира од длабочина од 200 метри природно без пумпи, а кај корисниците постои верување дека лекува од ревматски и други видови заболувања. Водата во оваа бања за прв пат избила на површина во осумдесетите години од минатиот век и оттогаш масовно ја посетуваат жителите на регионот. Изворите на термоминерална вода се до самата река Пчиња и месноста е опкруженa со зеленило.
Ново на Сител
-
Земјотрес во Србија
-
Најмногу дожд на Попова Шапка во изминатите 24 часа
-
Герасимовски: Лицата со попреченост ќе може да користат бесплатен превоз до болница
-
Најчестите знаци на прекумерно внесување шеќер
-
Избрани останатите 10 финалисти на Евровизија
-
Реал и Борусија ќе добијат по 25.000 влезници за финалето на Вембли
-
Албанија и Србија со кандидатура за заеднички домаќин на Европското првенство за млади во 2027
-
Ѓорческа ја елиминира првата носителка на фјучерсот во Трнава