Фудбал
9. July 2015 - 15:27

Голд куп: Две средби без победник

Натпреварите одиграни во рамките на првото коло во Б групата на Голд Купот завршија без победник. Костарика и Јамајка одиграа 2:2, додека без голови заврши мечот Канада-Ел Салвадор. Прв пат во историјата на Голд Купот на првите четири средби се забележани четити нерешени резултати, откако во А групата Хаити и Панама одиграа 1:1, додека победа забележа само селекцијата на САД против Хондурас (2:1).
 
Фаворитот во Б групата Костарика, која на Мундијалот стигна до четвртфиналето, без неколкумина важни играчи за тимот, меѓу кои и голманот Кејлор Навас, ремизираше со Јамајка 2:2.
 
‘Реге Бојс’ стигна до предност по 12 минути преку Меклири, но Костариканците до крајот на првиот дел направија пресврт преку Милер и Рамирес. Во второто полувреме конечниот резултат го постави Мекиниф.
 
На вториот меч во Торонто кодомаќинот Канада одигра 0:0 со Ел Салвадор кој имаше огромна поддршка од трибините.
 
Во второто коло во Б групата ќе играат Јамајка-Канада, односно Костарика-Ел Салвадор.
 
Ноќта помеѓу четврток и петок ќе стартуваат дуелите во Ц групата: Мексико-Куба и Гватемала-Тринидад и Тобаго.