ГН Мексико: Пол позиција за светскиот првак

Луис Хамилтон ја освои пол позицијата во пресрет на трката за Големата награда на Мексико. Трката на петеката „Ерманос Родригес“, од втората позиција ќе ја започне лидерот во генералниот пласман, Нико Розберг.

 

Хамилтон на патеката во Мексико доминацијата на слободните тренинзи ја потврди и во квалификациите, неговиот најбрз круг изнесуваше 1:18.704  минути.

 

Розберг кој од почетокот на квалификациите с наоѓаше помеѓу четвртото и шестото место, во својот последен летечки круг стигна до втората позиција.

 

Инаку, доколку 19-та трка во шампионатот Розберг ја заврши со триумф, а Хамилтон не освои бодови, тогаш Германецот ќе ја прослави својата прва титулата светски првак.

 

Вториот ред во Мексико го освоија пилотите на Ред Бул Верстапен и Рикардо. Хулкенберг од Форс Индија е петти, потоа следуваат возачите на Ферари Раиконен и Фетел, па пилотите на Вилијамс Ботас и Маса, а како десетти ќе стартува Саинц јуниор од Торо Росо.

 

Трката за Големата награда на Мексико ќе се вози в недела од 20 часот.