ГН Малезија: Пол позиција за Хамилтон

Возачот на Мерцедес Луис Хамилтон ќе стартува од пол позицијата на трката за Големата награда на Малезија.

 

Лидерот во генералниот пласман, во квалификациите, го имаше најбрзиот круг од 1:30.076 минути. Веднаш до Британецот од првиот стартен ред трката ќе ја започне возачот на Ферари Кими Раиконен, кој имаше послабо време за само 45 илјадити делови од секундата.

 

Зад најбрзите двајца ќе стартуваат пилотите на Ред Бул Макс Ферстапен и Даниел Рикардо.

 

Наголемиот конкурент на Хамилтон во борбата за титулата, Себастијан Фетел, трката ќе ја започне од последната позиција. Германецот поради проблеми со моторот воопшто не излезе на патеката во квалификациската сесија.

 

Траката за Големата награда на Малезија се вози в недела со почеток во 9 часот по средноевропско време.

 

Хамилтон води во генералниот пласмна со 263 бода, Фетел има 28 бодови помалку од лидерот, па следуваат Ботас 212, Рикардо 162 и Раиконен 138.

 

Мерцедес има убедлива предност кај конструкторите со 475 бодови, втор е Ферари со 373, а трет е Ред Бул со 230.