ГН Кина: И трета победа за Розберг

Продолжува доминацијата на Нико Розберг кој со својот Мерцедес во третата трка на ГН на Кина ја забележа и третата победа со што  ја зголеми предноста на чело на генералниот пласман кај  возачите. Интересно е што 

Германецот ја нанижа 6. победа во серија заклучно со финишот од лани. 

 

 Розберг доминираше на трката откако го презеде водството веднаш по стартот, возеше тактички  мудро и на крајот успеа да заврши со голема предност. За второто место се избори пилотот на Ферари, Себастијан Фетел, кој иако имаше многу проблеми на стартот и поради коализија со неколку болиди, меѓу кои и на својот тимски колега Кими Раиконен, падна до десеттата позиција, за да во финишот избере вистинската стратегија и повторно се најде на подиум сезонава. Даниел Квјат исто така избра добар начин за да стигне до успех и заслужено освои место на подиумот. Рускиот пилот од тимот на Ред Бул го остави зад себе својот тимски колега Даниел Рикардо. Кими Раиконен кој стартуваше од последната позиција  заврши петти.