Глигор Стојковски е годинешниот лауреат на наградата за најдобра поема на конкурсот „Григор Прличев“
Новинарот, поетот и публицистот Глигор Стојковски е лауреатот на наградата за најдобра поетска творба „Григор Прличев“ за 2015 година што НУ „Центар за култура Григор Прличев“ од Охрид ја доделува во знак на сеќавање на ликот и делото на познатиот охридски поет и преродбеник.
Неговата поема „Кирил 1830- Кирил 2001“ под шифра „Кирил“ беше избрана како најдобра од доспеаните 12 трудови на конкурсот од страна на стручното жири.
Глигор Стојковски (1952) е поранешен новинар во „Нова Македонија“ и „Утрински весник“ и главен уредник на „Култура“, во моментов сопственик на издавачката куќа „ВиГ ЗЕНИЦА“.
Автор е на повеќе поетски книги како „Починка во чисти честички“, „Пајак“, „Очно дно“, „Студена минута“, „Зад билката молк“, „Око заборавено на небото“, „Порој“, „Капка оловна вода“, „Земјата сама ќе се отвори“, „Ерусалим – богови и војни“...Подготвил и неколку публицистички книги, коавтор е и на монографијата „Зеницата на Македонија“. Тој е добитник и на наградите „Кочо Рацин’, „Нарциса“, „Браќа Миладиновци“...
Наградата „Григор Прличев“ на лауреатот ќе му биде врачена во рамки на „Прличевите беседи“, манифестацијата востановена пред речиси шест децении на која се одбележува годишнината од смртта на големиот поет, кој почина на 4 февруари пред 123 години. Прличев пред век и половина беше овенчан со Ловоров венец во Атина за неговата поема „Сердарот“. „Прличевите беседи“ се одржуваат во организација на Центарот за култура и библиотеката во Охрид што го носат неговото име, со поддршка на Министерството за култура на Република Македонија.
Ново на Сител
-
Монструмот откако ја убил малата Данка седнал да руча во летниковецот
-
Пронајдено бебе во контејнер во близина на Загреб
-
173 санкции за брзо возење
-
Силјановска Давкова ќе се сретне со со евроамбасадорот Гир и италијанскиот амбасадор Силвестри
-
ЦУК: Забрана за движење кај стрелиштето „Леково“, пожари во Кавадарци и Велес
-
Путин во посета на Кина на 16 и 17 мај
-
Синдикатот на просветни работници во Србија в четврток ја прекинува работата во сите училиштата поради загрозена безбедност
-
Герапетритис: Бараме усогласување со Договорот од Преспа, не е прашање на самоопределување, туку почитување на договореното