Гласачките машини во Бугарија ги чува жандармерија во царински магацин
Бугарската вицепремиерка и координатор за подготовка на парламентарните избори на 4 април, Маријана Николова изјави за Бугарското национално радио дека машините за гласање ги чува жандармеријата, јави дописникот на МИА од Софија.
Таа потврди дека нема нерегулиран пристап до магацинот каде што се чуваат машините.
– Квалитетот на машините не се одредува според тоа каде се чуваат – во приватен или државен магацин. Безбедноста е гарантирана. Неправилен пристап нема да биде дозволен, не треба да се грижите, истакна Николова.
Вицепремиерката објасни дека „предвидено е приходите на членовите на комисиите да се зголемат за 50 отсто“.
Николова изјави дека за спроведување на парламентарните избори во Бугарија е наменета сума од 65.251.000 лева (32.600.000 евра) која вклучува и дополнителни надоместоци. Таа додаде дека трошоците предвидени во буџетот на Централната изборна комисија за организациско-техничката подготовка на изборите изнесуваат 8.000.050 лева (4.000.025 евра) и тие се обезбедени.
Бугарската вицепремиерка истакна дека вакцинирањето на членовите на изборните комисија е во тек, за да имаат време да ги примат двете дози на вакцината против Ковид-19 пред гласањето на 4 април.
Ново на Сител
-
Руски воен репортер загина во Украина
-
Претрес во Свети Николе, пронајдена дрога
-
Пожари на диви депонии во Желино и Боговиње
-
Приведен дилер во Охрид, пронајдена дрога
-
Вучиќ-О'Брајан: Различни ставови по прашањата за Косово и Сребреница
-
Шест деца и тројца возрасни загинаа во израелски напад во Рафа
-
Во вторник предизборен молк
-
СПМ поднесе кривична против поранешниот министер за внатрешни работи и други три лица за несовесно работење