Ѓукановиќ по повод годишината од членство: Црна Гора останува доверлив партнер и сојузник во НАТО

Црна Гора останува сигурен сојузник и партнер и продолжува да ја потврдува својата посветеност на единството на НАТО, изјави црногорскиот претседател Мило Ѓукановиќ по повод годишнината на земјата од членството во Алијансата.

На денешен ден во 2017 година, Црна Гора официјално стана 29-та членка на НАТО, најмоќниот воено-политички сојуз во светот.

„Четврта годишнина од најголемото меѓународно достигнување на модерната црногорска држава – членство во НАТО“, напиша Ѓукановиќ на Твитер.

Тој рече дека Црна Гора останува доверлив сојузник и партнер и продолжува да ја реафирмира својата посветеност на единството на Алијансата, зајакнување на отпорноста и одбрана на заедничките вредности, продлабочување на соработката со оние кои го споделуваат нашиот евроатлантски пат и зачувување на меѓународниот поредок заснован на правила.

„Горди на постигнатото, одговорни за иднината“, посочи Ѓукановиќ.