Ѓукановиќ: Црна Гора е пред предвремени избори
Црна Гора се соочува со предвремени парламентарни избори, кои треба да доведат до формирање на одговорна политичка влада, со цел враќање на целосната функционалност на земјата, изјави црногорскиот претседател Мило Ѓукановиќ.
Според соопштението на Канцеларијата за односи со јавноста на претседателот, Ѓукановиќ се сретнал со новоименуваниот регионален директор на Фондацијата Конрад Аденауер, Јаков Девчиќ, кој е во посета на Црна Гора.
Ѓукановиќ нагласи дека неодамнешните настани во парламентот доведоа, според неговите зборови, до дерогирање на врховниот закон.
– Црна Гора реално се соочува со предвремени парламентарни избори, кои треба да доведат до формирање на одговорна политичка влада со цел да се врати целосната функционалност на земјата, нагласи Ѓукановиќ.
Девчиќ истакна дека очекува продолжување на соработката и во иднина, како и подобрување на активностите на фондацијата, која ја поддржува независна Црна Гора на нејзиниот пат кон Европа.
Зборувајќи за актуелната институционална и политичка криза, тој рече дека уставот на една држава не може да се менува поради незадоволство, ниту пак врховниот закон да биде жртва на нечија волја.
Ново на Сител
-
Работен ручек на Фон дер Лајен со лидерите од Западниот Балкан
-
Кривична пријава против осум лица и три компании поради смртоносната сообраќајка во која загинаа татко и син
-
Следните два дена променливо облачно време, викендот сончево со пораст на температурата
-
Мицкоски за посетата на Брисел: Подготвивме најквалитетен документ за Планот за раст, ќе ги одбраниме и националните интереси
-
Претрес во Куманово, приведено едно лице
-
Дурмиши: Цените нема да се замрзнат, маржата ќе се ограничи до 10 отсто
-
Постигнат договор за есенската потрошувачка кошница, ќе се разгледа на следната владина седница
-
Постигнат договор за есенската потрошувачка кошница, ќе се разгледа на следната владина седница