Ѓорческа продолжува со победите - ново полуфинале во двојки

Македонската тенисерка Лина Ѓорческа успеа да се пласира во полуфиналето на фјучрсот во Падова (награден фонд 25.000 долари) откако синоќа во комбинација со Романката Кристина Дину ги победија Џулија Џонс (САД) и  Марсела Закариас (Мексико) со 6:4 и 6:4 во сетови. Во мечот за пласман во финалето ќе играат против Наталија Подороска (Аргентина) и Џил Тајхман (Швајцарија).

Инаку, Ѓорческа ја очекува и ривалката во 2.коло во поединечна конкуренција. Таа ќе игра со победничката од мечот на првата носителка Исалин Бонавентуре (Белгија) и Мартина Ди Џузепе (Италија). Резултатот е 1:1 во сетови и 5:4 во гемови за Ди Џузепе. Доколку временските услови дозволат мечевите ќе се играат надвор, а доколку врне можно е и да се игра во сала.