Ѓоковиќ: Го одиграв најдобриот натпревар на Ролан Гарос во кариерата
Најдобриот светски тенисер Новак Ѓоковиќ со многу емоции им се обрати синоќа на новинарите во Париз по триумфот над Рафаел Надал и пласманот во финалето на Ролан Гарос.
– Оваа победа е една од најдрагите и најголемите во мојата кариера. Дефинитивно тоа беше еден од моите трите највозбудливи натпревари, и најдобар што го имам одиграно на Ролан Гарос, имајќи ги предвид квалитетот на тенисот и поддршката која доаѓаше од трибините и за мене, и за него, изјави српскиот тенисер по големиот триумф над кралот на земјените терени и 13-кратен освојувачот на Грен-слем турнирот во Париз.
Ѓоковиќ синоќа по голема борба и четиричасовен врвен тенис го совлада Надал со 3-1 во сетови (3:6, 6:3, 7:6, 6:2) и обезбеди пласман во финалето на Ролан Гарос во кое в недела за противник ќе го има Гркот Стефанос Циципас.
– За него тоа ќе биде посебно искуство, бидејќи никогаш порано немал можност да игра грен-слем финале. Без дилеми, ме чека голема борба, порача Ѓоковиќ спроти утрешниот завршен натпревар на турнирот во Париз.
Ново на Сител
-
Израелската полиција изврши рација во Ал Џезира во Ерусалим, одзеде опрема
-
Костадиновска-Стојчевска: Македонскиот јазик е нашиот национален белег и најважниот симбол на културниот идентитет
-
Косовската полиција уапси 4-ца македонски државјани меѓу кои и кондовецот Агим Красниќи
-
Макрон го повика Нетанјаху успешно да ги заврши преговорите со Хамас
-
Димитровска: ДКСК оформи 45 предмети поврзани со изборите
-
14-годишна малолетничка од Петровец избегала од дома
-
Малолетник пријавен за насилство врз неговата мајка и брат
-
Бројот на загинати во поплавите во Кенија се искачи на 228