Ѓоковиќ: Алкараз и Синер се предобри

Српскиот тенисер Новак Ѓоковиќ сезоната ја заврши со четири полуфиналиња на Грен слем турнирите. Едноставно Карлос Алкараз и Јаник Синер се предобри во моментов.

Двајцата се едноставно предобри, играат на високо ниво. Јас по вториот сет останав без енергија. За два сета имав енергија, а потоа повеќе не. Карлос можеше уште да игра во ист ритам, исто беше и со Јаник. Тешко ми е да играм против нив на три добиени сета, особено во завршница на Грен слем турнир, изјави на прес конференцијата 38-годишниот Ѓоковиќ.

Новак Ѓоковиќ синоќа го загуби полуфиналето од Карлос Алкараз со 3:0 во сетови, а притоа само во вториот сет имаше водство, кое Шпанецот брзо успеа да го надополни.

Во финалето на УС Опен во недела ќе играат Алкараз и Синер.

МИА