Ѓилас: Лажните избори не успеаја, излезени помалку од 50 отсто од гласачите
Претседавачот со опозициската коалиција Сојуз за Србија (СзС), Драган Ѓилас, која ги бојкотираше изборите, изјави вечерва дека „овие лажни избори на Александар Вучиќ не успеаја“ затоа што на нив се излезени помалку од 50 отсто од гласачите.
Како што јави дописникот на МИА од Белград, Ѓилас на прес конференција кажа дека според нивните податоци на изборите излегле 42 проценти од гласачите, а само 36 проценти во Белград.
Како што оцени тој, излезноста на денешните избори не би можела да биде поголема од 42 проценти, и дека сите странски медиуми оцениле дека доколку излезат помалку од половина од избирачите, власта нема да има легитимитет.
-Она што се случи од 17 часот до 20 часот, да луѓето гласаат со пет проценти на час, а гласачките места се празни, сите знаат дека не е реално. Овие податоци се идентични со оној факт дека на секои 10 секунди загинува мијач на прозорци во САД, кажа Ѓилас.
-Идната нова влада нема да има легитимитет, кажа Ѓилас кој оцени дека сега постојат две можности – режимот да продолжи да работи како порано и да ја доведе земјата во натамошни тензии, или да со посредство на Европа, да дојдеме до ситуација да имаме фер и чесни избори
Од СзС излегоа и со соопштение во кое се наведува дека заради многу нискиот одзив на изборите во поголемите градови во Србија, владејачката Српската напредна партија (СНС) започнала невидени притисоци врз граѓаните, кои ги надминуваат сите претходни, а придружени со закани, уцени, па дури и физичка принуда.
СзС во соопштението наведува, дека покрај телефонското вознемирување, партиски активисти оделе до вратите на домовите на граѓаните, нуделе обезбеден превоз, кој чекал пред станот или куќата и ги уценувале граѓаните што ги имале на списоците.
-Како што одминуваше времето, бруталноста се зголемуваше, а овие методи беа применети кон сите категории на население, особено за вработените во јавниот сектор и граѓаните, кои морале да ги стават на список на „безбедни гласови“, а на некои од нив денес беа делени „пакети“ или се давани пари, тврдат од СзС.
Во соопштението се посочува дека на посебен притисок биле изложени социјално загрозените семејства и дека цели населби со ромско малцинство биле окупирани од џипови и комбиња, во кои биле присутни партиски активисти со списоци.
Ново на Сител
-
Грција испраќа транспортен авион во Либан за евакуација на грчки и кипарски државјани
-
Зошто пилотот не треба воопшто да има брада?
-
Децата не треба да имаат свој телефон пред возраст од шест години
-
„Шаоми“ ја претстави „14-T“ линијата паметни телефони
-
Пронајдена досега непозната слика на Пикасо
-
Најавени уште 120 тужби против Диди
-
Младите во ЕУ го напуштаат домот на родителите на 26,3 години просечно
-
Анчелоти по поразот од Лил: Противникот беше посилен и мораме да го прифатиме тоа