Гинекологија доби донација од сто перници за трудници и доилки
Сто специјални, анатомски перници за трудници и доилки доби денеска Клиниката за гинекологија и акушерство.
Станува збор за донација во вредност од 200.000 денари собрани на хуманитарниот едукативен симпозиум на тема „Современи стоматолошки методи и техники“, што го организираше Стоматолошката комора на Македонија по повод 20-годишнината од нејзиното постоење.
Потпретседателот на Стоматолошката комора на Македонија, Марија Андоновска по доделувањето на донацијата истакна дека ќе продолжат да работат за унапредување на стоматолошката дејност и да ги негуваат активностите од хуманитарен карактер.
Како новитет во нивното работење истакна дека со последната одлука која ја имаат донесено, сите нивни членови кои се трудници во годината кога ќе користат породолно боледување Стоматолошката комора ги ослободува од плаќање членарина.
Директорката на Клиниката за гинекологија и акушерство, Марија Хаџи Лега се заблагодари за донацијата и посочи дека перниците ќе им помогнат на идните трудници многу полесно да го поминат и периодот после породување, како и периодот во тек на хоспитализација на одделите за патолошка бременост и за перипартална интензивна нега и на тој начин да им овозможат полесен престој во Клиниката.
- Овој убав гест треба да послужи како пример и на другите комори и организации, затоа што имаат бенефит и им помагаат на новороденчињата и на идните мајки во нашата земја. Годинава Клиниката ќе ја заокружи со бројка од 6.000 породувања, додаде Хаџи Лега.
Ново на Сител
-
ЈП ПОЦ минатата недела со санкции за 203 непрописно паркирани возила
-
Светска банка: Северна Македонија треба да спроведе реформи за справување со заканите поврзани со климатските промени
-
Едно лице загина, а едно е повредено во пукање во село Батинци, полицијата трага по сторителите
-
Уапсени директори на супермаркети во Мјанмар поради тоа што продавале ориз по многу високи цени
-
МВР: Чекањето на ГП Табановце за влез и излез од државата е поради прогласеното црвено ниво на безбедносен ризик од тероризам во Србија
-
Дел од српската опозиција за „Данас“: Владата ја направи безбедноста фарса
-
Венко Филипче избран за нов претседател на СДСМ, реакции од другите двајца кандидати | ВИДЕО
-
Активни пожари во струмичко и прилепско