Ги украле компјутерите, но и возилото на продавницата - тешка кражба во Нептун

Ограбена продавницата за бела техника Нептун во Велес. Според информациите на МВР, измеѓу петокот и саботата  од 20,30 до 04,30 часот во Велес во продавница на ДОО „Нептун“, непознат  сторител извршил тешка кражба на тој начин што со употреба на подесен алат ги отстранил катанците од влезната врата, го искршил стаклото, влегол внатре и одзел 22 лап-топ компјутери, разни марки и модели, по што го напуштил местото на настанот.

Во истиот временски период, извршено е и кривичното дело “одземање патничко моторно возило“, при што е одземено „Фиат Уно“ со велешки регистарски таблички , сопственост на С.П. од Велес кое било паркирано во непосредна близина на наведената продавница.