Ги издушка полициското куче и им ја најде дрогата: Македонски државјани во порше уапсени во Србија
Цариниците во соработка со полицијата на граничниот премин Батровци, со помош на царинско службено куче запленија помало количество различни видови дрога и реквизити кои се користат при нивната продажба, соопшти Царинската управа на Србија.
„Прекршокот е откриен при преглед на „порше“ со чешки регистарски ознаки со кои патувале тројца македонски државјани со албанско потекло. Патниците рекле дека немаат ништо да пријават, но сомневајќи се во нивните зборови, царинските службеници одлучиле детално да ги прегледаат, како и нивниот багаж и автомобилот. Прегледот на цариниците им го олеснил службениот пес, кој со својата реакција недвосмислено укажал дека во еден од куферите има наркотици, пишува во соопштението.
Се додава дека ова е прва „акција“ на терен на кучето кое усепало да детектира дрога во куфер на патникот кој седел на задното седиште. Меѓу неговите лични работи, покрај малото количество кокаин, пронајден е и кристал мет, ЛСД, неколку таблети екстази и марухуана како и реквизии кои се користат при нивната продажба.
Во багажникот се наоѓала и вага за прецизно мерење, мерици, како и тестери за проверка на чистотата на дрогата, но и дозволен износ на пари во евра и чешки круни, соопштија од царината.
Ново на Сител
-
Реал Мадрид е највредниот фудбалски клуб во светот
-
Вардар прв финалист во ракометниот Куп на Македонија
-
Неизвесен победникот на претседателските избори во Полска
-
Нормализиран сообраќајот на делницата Демир Капија – Смоквица
-
33-годишна жена загина, а шест лица се повредени во сообраќајка на автопатот Тетово-Гостивар
-
Во Појасот Газа за еден ден загинаа најмалку 60 луѓе, а 284 се повредени
-
Коњановски ја посети локацијата каде падна кран на градежен објект во Битола
-
ОЈО поведе постапка против скопјанец за семејно насилство кон партнерката и нејзината мајка